DU ER ALLEREIE HEIL

Det er ikkje noko gale med deg.
Men kanskje er det noko som gjer at du ikkje ser det.

Kanskje har du prøvd lenge.
Tenkt mykje.
Forstått mykje.

Kanskje har du også gått inn i endring med ei kjensle av at det er noko i deg som må fiksast.

Men kva om det ikkje er sant?

Kva om du allereie er heil og fullkommen – og det som held deg tilbake, eigentleg er eit slør av gamle tankar, overbevisningar og trussystem?

Det er dette eg jobbar med i Du er allereie heil.

Du treng ikkje vite kva som ligg i sløret.
Du treng ikkje finne ut kva som er gale.

Vi går inn i prosessen med ein heilt annan intensjon:

Du er allereie heil.
Du er allereie fullkommen.

Du skal ikkje bli heil.
Du skal oppdage at du allereie er det.

Slik jobbar eg

 ___________________________________________

Prosessen skjer på innsida av meg – slik som med det meste anna eg driv med ❤️

Eg opplever at sjela mi samarbeider med sjela di. I denne prosessen kjem også guideteamet mitt inn. Dei er fem guidar, og alle har kvar si oppgåve.

Dei har vist meg at dei vil jobbe med sløret som ligg over oss. Sløret som inneheld avgrensingane, overbevisningane og trussystema vi går rundt og ber på.

For det er ikkje du som ikkje er nok, god nok eller flink nok.

Det er sløret som får deg til å tru det.

Ein stor forskjell.

Eg følger det eg ser, kjenner og får inn undervegs. Det eg får inn handlar om prosessen eg opplever at skjer.

Tilbakemeldinga frå sjela di og guidane mine kjem ikkje som ord. Eg ser det som ein film. Det er denne "filmen" eg formidlar til deg i ettertid.

Den personlege tilbakemeldinga di vil vere det som viser seg gjennom deg, i kroppen din og i det du merkar har endra seg etter prosessen.

På den måten er du di eiga fysiske tilbakemelding.

Nokre kjenner mykje medan eg jobbar. Andre merkar mest i dagane etterpå. Og nokre treng meir tid før dei ser eller kjenner noko.

Det finst ikkje éin riktig måte å oppleve prosessen på.

Slik fungerer det

1. Før prosessen

   Du får den praktiske informasjonen du treng.

   Du skal ikkje velje eit tema, finne ut kva som er gale eller forklare kvifor du står fast.

   Det einaste eg ønsker, er at du møter prosessen med eit ope og nysgjerrig sinn – og med intensjonen om at du allereie er heil og fullkommen.

2. Når eg jobbar med deg

   På avtalt tidspunkt finn du deg ein roleg plass der du kan sitte eller ligge uforstyrra.

   Eg jobbar med deg på avstand. Du treng ikkje vere på Zoom, snakke med meg eller prøve å få til noko.

   Eg går inn med den same intensjonen for deg: Du er allereie heil.

3. Etterpå

   Først får du tid til å lande i di eiga oppleving. Etter eit par dagar får du nokre enkle spørsmål om det du kjende, merka eller opplevde.

   Du får også ei tilbakemelding frå meg om det eg såg, kjende og opplevde medan eg jobba. Denne er ikkje meint som eit fasitsvar eller ein personleg beskjed frå sjela di.

   Den personlege tilbakemeldinga frå sjela di og guidane mine vil vise seg gjennom deg, i kroppen din og i det du merkar har endra seg etter prosessen.

   På den måten er du di eiga tilbakemelding.

Historia bak denne prosessen.

____________________________________________________

Då eg var i starten av 20-åra, hadde eg ei oppleving som etter kvart endra heile måten eg forstår meg sjølv på.

Eg var ikkje på ein «spirituell plass» i livet. Eg visste knapt at ordet spirituell fanst.

Eg var ung. Eg dømde meg sjølv. Eg dømde andre. Eg strevde økonomisk. Eg hadde dårleg tru på meg sjølv. Eg kjende meg ikkje god nok, flink nok eller nok i det heile tatt.

Og likevel skjedde det.

Eg fekk ei djup oppleving av meg sjølv som sjel.

Ikkje som noko eg måtte bli.
Men som noko eg allereie var.

I den opplevinga mangla eg ingenting. Eg trong ingenting. Eg måtte ikkje få til noko.

Eg hadde alt, fordi eg var alt.

Den opplevinga viste meg at den ekte delen av oss ikkje forsvinn, sjølv når livet er vanskeleg. Ho blir ikkje øydelagd av frykt, skam, gamle historier eller andre sine meiningar.

Ho kan bli dekt til.

Men ho er der, alltid.

Og det er dette som er utgangspunktet for Du er allereie heil.

Ikkje at du kjem til meg fordi det er noko gale med deg.

Men at vi saman ser kva som kan skje når sløret blir lettare – og meir av den du allereie er, får kome fram.