For deg som kjenner at noko i deg lengtar etter å opne meir for kjærleik.

Dette temaet er for deg som merkar at noko held igjen når det kjem til kjærleik, eigenkjærleik eller relasjonar.

Kanskje lengtar du etter eit romantisk forhold, men kjenner at du ikkje heilt slepper inn moglegheita.

Kanskje har du gamle mønster i relasjonar som du er ferdig med å bere vidare.

Kanskje veit du at du er verd kjærleik, men kjenner det ikkje heilt i kroppen.

Kanskje er det vanskeleg å ta imot.

Kanskje har du vore sterk så lenge at det kjennest uvant å bli møtt, halde eller elska utan å måtte prestere for det.

Dette handlar ikkje berre om å finne eller få ein relasjon.

Det handlar om å gjere plass til den i deg som allereie er kjærleik.

For når den ekte deg får meir plass, kan kjærleik byrje å kjennast tryggare, meir naturleg og mindre knytt til frykt, kontroll eller gamle historier.

I denne prosessen vel du eitt konkret fokus

Til dømes:

“Eg ønskjer å opne meir for romantisk kjærleik.”

“Eg ønskjer å sleppe gamle relasjonsmønster.”

“Eg ønskjer å kjenne meg tryggare på å ta imot kjærleik.”

“Eg ønskjer å gi meir plass til eigenkjærleik.”

⚜️ 

Du treng ikkje vite nøyaktig kva som ligg bak.

Du treng berre kjenne at dette er området som kallar på deg no.

Viktig

Dette er ikkje medisinsk behandling, terapi eller ei erstatning for fagleg hjelp.

Du har sjølv ansvar for eiga helse, eigne val og for å kontakte lege, psykolog eller anna helsepersonell ved behov.

Denne prosessen passar for deg som ønskjer å møte deg sjølv, livet ditt og det som held deg tilbake frå ein djupare stad.